သတိရမိတယ် မေမေရယ်။ စိတ်ထဲကနေ တီးတိုးရေရွတ်မိတဲ့
အသံက လည်ချောင်းဝမှာတင် ပျောက်ကွယ်သွားခဲ့ပေါင်းလဲများခဲ့ပြီ။
အိမ်ပြေးတစ်ယောက်မဟုတ်ပေမယ့် အိမ်ဝေးတစ်ယောက်ဆိုတဲ့ ဘဝကို ပိုင်ဆိုင်ခဲ့တာ
အချိန်ကာလအားဖြင့် အတော်ကြာလှပေါ့။
နောက်ဆုတ်ဖို့ ကြိုးစားလိုက်တိုင်းမှာ ခြေလှမ်းတွေက ရှေ့ကို
ဆက်တိုးလှမ်းခဲ့မိတာ .. မသိခဲ့တာလဲ မဟုတ် သိသိရက်နဲ့
လှမ်းခဲ့တဲ့ခြေလှမ်းတွေက မိုင်ပေါင်းများစွာဝေးကွာတဲ့ ခရီးတစ်ခုကို
ဖန်တီးပေးခဲ့တယ်။
အချိန်တွေကလဲ မှန်ကန်ဆဲ ၊ ရာသီတွေကလဲ လည်ပတ်ဆဲ …..
ဆိုပေမယ့် အချိန်ကာလ ကြာရှည်လာတာနဲ့ အမျှ မွေးရပ်မြေနဲ့
ဝေးဝေးသွားခဲ့တာရတာတော့ အသေအချာကို လက်ခံလိုက်ရတယ်။
ဦးဆောင်ခဲ့တဲ့ လောဘတစ်ခုက ဘာအတွက်ဖြစ်ခဲ့တာလဲ ။ အမေ့အတွက်လား။ မောင်နှမတွေ
အတွက်လား။ ဒါမှမဟုတ် ကိုယ်ကိုတိုင် အတွက်ပဲလား… ဆိုတာကို သိအောင်လဲ မကြိုးစားမိခဲ့ပါဘူး။
လူတွေ .. လူတွေ.. အမြဲမေးနေတတ်ကြတယ်။ စဉ်းစားကြတယ်။ တခါတလေ တော့ မေ့နေတတ်ကြတယ်။ မေ့ထားလိုက်ကြတယ်။
ဘဝဆိုတာ ဘာလဲ …….. ပန်းတိုင်ဆိုတာ ဘာကိုပြောတာလဲ …
အကြိမ်ကြိမ်အခါခါ စဉ်းစားကြည့်ခဲ့တယ်။ တွေးတောကြည့်ခဲ့တယ်။
အဖြေတွေ အမျိုးမျိုးရခဲ့တယ်။ အတွေးတွေ အများကြီး လွှမ်းမိုးခံခဲ့ရတယ်။
စစ်မှန်တဲ့အဖြေတစ်ခု ပိုင်ဆိုင်ဖို့ အတွက် ထိုင်ပြီးမစဉ်းစားခဲ့ဘူး။ အိပ်ပြီးမစဉ်းစားခဲ့မိဘူး။
ခြေလှမ်းပေါင်းများစွာနဲ့ ရင်းပြီး ရှာဖွေခဲ့တယ်။
နီးသလိုလိုနဲ့ တဖြည်းဖြည်းဝေးကွာခဲ့တဲ့ ဘဝရဲ့ အမေးပုစ္ဆာအတွက် လက်တွေ့ဘဝက တိတိကျကျ အဖြေတစ်ခုပေးခဲ့တယ်။
အိမ်ဝေးတစ်ယောက် တဲ့……။
ငှက်တစ်ကောင်လို ပျံသန်းခဲ့တာ မဟုတ်သလို စွန်တစ်ခုလိုလဲ ပျံဝဲခဲ့တာ မဟုတ်ပါဘူး။
သိခြင်းဆိုတဲ့ အဖြေကိုရှာဖို့ မသိခြင်းရဲ့
ဦးဆောင်မှုနောက်ကို လိုက်ပါခဲ့တာ နောက်ပြန်လှည့်မိရင်တောင် အရာရာဟာ
မှုန်မှုန်မှိုင်းမှိုင်း .. ဝေဝေဝါးဝါး မျှသာ။
စွန့်လွတ်ခဲ့ရတာတွေ များလွန်းခဲ့သလို ပိုင်ဆိုင်မှုဆိုတာတွေကလဲ ဖမ်းဆုတ်မပြနိုင်လောက်အောင် ဝေဝါးလွန်းနေတယ်။
အခုတော့ .. အိမ်ဝေးတစ်ယောက်ရဲ့ဘဝကို မုန်းတီးခဲ့ပါပြီမေမေရယ်။
သတိရမိတယ်။
ကိုယ့်ဘဝကိုယ် ရပ်တည်နိုင်ဖို့အတွက် ကိုယ်ကိုယ်တိုင်ပဲကြိုးစားမှ ရမှာနော် ဆိုတဲ့ ဖေဖေ အမြဲပြောနေကြစကား။
ဘယ်နေရာရောက်ရောက် ဒီကောင်းကင်အောက်မှာပဲ ရှိနေတာပါ
ဘယ်လောက် ဝေးဝေး လိုက်ခဲ့ပေးမယ်ဆိုတဲ့ မေမေ ရဲ့ စကားသံတွေ
မမေ့နိုင်ခဲ့ပါဘူး။ အရာအားလုံးကိုစကားသံအဖြစ်နဲ့ ကြားခဲ့ပြီး
စိတ်ကူးပုံဖော်နေရတဲ့ ဘဝဖြစ်နေတယ်မေမေရယ်။ ဘယ်သူက ဘယ်လို။ ဘယ်အရာက
ဘယ်လိုဆိုတာကို ပုံဖော်မှန်းဆတတ်ခဲ့ပြီး ကျေနပ်ခဲ့ရတဲ့ဘဝထဲကနေလဲ
ရုန်းထွက်ချင်ခဲ့ပြီ မေမေရယ်။
တောင်တန်းကြီးတွေကိုလွမ်းတတ်လာခဲ့ပြီ။ အေးချမ်းတဲ့
အမေ့အိမ်လေးကိုလဲ လွမ်းတယ်။ အိမ်ဘေးက စမ်းချောင်းကလေးကိုလဲ လွမ်းတယ်။
အိမ်ဘေးက လူကြီးအိမ်ကို ကုမ္ပဏီတစ်ခုက အိမ်ဆောက်ပေးတာ အဖေ့အိမ်လို့
နံမည်ပေးထားတယ်ဆိုတဲ့ အိမ်ကြီးကိုလဲ တွေ့ချင်တယ်။သူတို့က အဖေ့အိမ်ဆိုတော့
အဲဒီအိမ်ဆောက်တဲ့အတွက် တို့ရဲ့အိမ်ကိုလဲ သမီးတွေပေါင်းပြီး ပြုပြင်ခဲ့ရလို့
Daughter Land (သမီးတို့အိမ်) လို့နံမည်ပေးရအောင်ဆိုပြီး
ပြောင်းလဲနေတယ်ဆိုတဲ့ မမြင်ရသေးတဲ့ အမေ့အိမ်ကိုလဲ လွမ်းလှပါပြီ။
ရင်ထဲက အလွမ်းဝေဒနာတွေကို လက်မခံနိုင်တော့လို့ ရှိနေတဲ့
လောဘကို ထုတ်ဖယ်ဖို့အတွက် သော့ကို အတ္တဆိုတဲ့ အခန်းထဲမှာ ရှာဖွေမိတယ်။
မီးပျက်နေတဲ့ ညမို့လို့များလား.. ရှာမတွေ့နိုင်ဘူး။
လမင်းရဲ့ အလင်းရောင်ကိုတမ်းတရင်း ကောင်းကင်ကိုမော့ကြည့်မိတော့ အထိတ်တလန့်သိလိုက်ရတာက …
အော်…… ဒီနေ့ လမိုက်ည တစ်ညပါလား။ ။
လေးစားစွာဖြင့် (အိမ်ဝေးဘဝ ကိုးနှစ်တိတိပြည့် အမှတ်တရ)
ပန်ဒါ
28-Sep-12
2:11 PM
